تواجه مدينة نور التي أعلنت عنها مجموعة طلعت مصطفى، موجة سخرية كبيرة من رواد مواقع التواصل الاجتماعي
كتب أحد المواطنين على موقع التواصل الاجتماعي ”فيسبوك”: انا نفسي انا كمان انبهر معاكم وانتهز الفرصة اللي انتو هاتقببوا بيها على وش الدنيا دي بس مش لاقى.
وتابع المواطن: سعر المتر على 15 سنة 26500 جنية سعر المتر كاش 10500 جنية
واضاف :موقعها، المرحلة الأولى فقط تبعد ٢٧ كيلو عن منطقة الأعمال المركزية CBD مع العلم ان مشروع مدينتي يبعد عن مدينة نصر ٣٠ كيلو تخيل المسافة عشان تحكم العائد الاستثماري.
وتابع: ودة سؤالي بقى ايه الابهار في الموضوع والدوشة دي كلها على اية؟ ايه المبهر أني اشتري شقة قد العشة حوالى 80 متر وادفع فيها فوق ال2 مليون جنيه ده بالمناسبة لسه في اشتراك النادي والصيانة وشوية التحابيش المعروفة.
وأضاف المواطن: طب جميل، المرحلة الاولى تسليمها بعد 5 سنين يعنى انا اطلع من جيبي في حدود المليون جنية جدعنه بدون أي عائد عشان خاطر ايه مش فاهم! في حين أن انا في ال5 سنين دول اكون اشتريت شقة ضعف المساحة في أماكن في التجمع اقرب بكتير للعاصمة وفى نفس الوقت اقرب لكل حاجة انا هاحتاجها من خدمات وحياة ودنيا.
وتابع صاحب البوست: انا فعلا مش لاقى أي حاجة فيها ابهار لحد دلوقتي ده مستاهل الدوشة دي غير ان احنا شعب بيحب الزيطة وخلاص
